اس جہاں میں تو ہی بس اک چارہ گر
عالمِ ہستی پہ تیرا ہی امر
تیرے حکمِ کُن سے ہر شے تر بہ تر
چشمِ بینا دیکھے تو ہو چشم تر
تِیرہ شب میں کھینچ لاتا ہے قمر
تو ہی مشرق سے اٹھاتا ہے سحر
ماسوا تیرے کہاں ہے دستگیر
ماسوا تیرے نہیں کس کو خطر؟
راہِ دشت و صحرا میں لَا تَقْنَطُوْا
کہہ کے انساں کو دیئے ہیں بال و پر
شش جہت ہستی میں فاش اسرارِ ہست
کردیا ہے باخرد کو باخبر
کچھ بھی اب مانع نہیں اے کامران
جیسے دو دو چار ہیں، اَیْنَ الْمَفَرّ؟؟
#م_ک_خ