آج ایک جگہ پہ جانا ہوا تو ایک مسجد کے دروازے پہ یہ اشتہار دیکھا جسے یقینا کسی اسلامی طریقے سے غسل دینے والے نے چپکایا ہو گا یا مسجد کی انتظامیہ نے عوام الناس کی سہولت کے لیے لگا دیا ہو گا۔

جی ہاں ہمارے معاشرے میں ایسا کثرت سے ہو رہا ہے کہ ورثا۶ اپنے فوت ہونے والے (باپ،ماں،بہن،بھاٸی اور دیگر رشتہ دار) کو غسل خود دینے کی بجاٸے کسی کو پیسے دے کر غسل دلواتے ہیں کیا یہ اسلامی طریقہ ہے ؟

غسل پیسے دے کر دلوایا،جنازہ مولوی صاحب نے پڑھایا،قبر میں گورکن نے اتارا،قبر پر قرآن بھی مدرسے کے طلبہ نے پڑھا آپ نے صرف قبر بند کرنے کے بعد ایک مٹھی مٹی ڈالنے کے لیے اتنا تکلف کیا کہ قبرستان گٸے وہ بھی نہ کرتے تو آپ کے فوت شدہ ماں باپ نے قبر سے نکل کر آپ کو کوٸی طعنہ نہیں دینا تھا۔۔۔
ہم زندوں کے بھی حق کھا جاتے ہیں اور مردوں کے بھی۔۔

محمد اسداللہ فریدی