گلوریا جینز
موسم کی اک انگڑائی سے
نقطۂ انجماد سے نیچے کہیں مچلتے ہوئے ماحول میں
بارش کی پہلی بُوند نے ہی ہل چل مچا دی تھی
پہاڑ کے دامن سے لیکر دُور آفتاب کے رُخِ منوّر تک
دودھیا بادلوں کی چادر تَن گئی تھی
ٹھٹھرتی ہوئی خُنک جنوری مزید سَرد ہو گئی تھی
ہیٹروں سے نرم گرم کمروں میں اٹھیکیلیاں کرتے تراشیدہ بدن بالکونیوں سے جھانکتے نئی تفریح کا گمان کر رہے تھے
عہدِ نَو کی تجلّیوں کی شاہکار برقی گاڑیوں میں بھر رہے تھے
رینگتی ہوئی اک نئی قطار مشرقی پہاڑی کی بھُوری سڑک پر اُبھر رہی تھی
دارالخلافہ کے دامن میں غیرمُلکی ریستورانوں پر اک جمِ غفیر تھا —— مزید پھیل رہا تھا
نرم گرم اُبلتی ہوئی کافی کی چُسکیوں پر ہر عہد کا سماج —— دانش کے سکّوں پر اُچھل رہا تھا
ایسے موسموں میں کافی کا سکوں نرالا ہوتا ہے
بھلا جنوری میں بارشیں نہ ہوں تو جنوری کس کام کی
میری بستی کے ہر گھر کی چھت ٹپک رہی ہے
بارش کے ساتھ ساتھ یہاں بھوک بھی برس رہی ہے
خُنک سرد ویران چولہوں کو آگ ترس رہی ہے
ایک ہی پتیلی ہے اکثر دالانوں میں
اور وہ بھی بارشوں کے اس موسم میں اُوندھی پڑی ہے
بھوک سے بلکتے بچوں کو احساس ہی نہیں ہے کہ…
جنوری جب بھیگ جائے تو
جنوری رنگین ہو جاتی ہے!!!
بدن پہ جب پھوار پڑ جائے تو
رُوح نمکین ہو جاتی ہے!!!
_________________________
ملک کاشفؔ اعوان
۷ جنوری ۲۰۲۲
Gloria Jeans
Mausam Ki Ik Angrayee Se
Nuqta e Injmaad Se Neechay Kaheen Machalty Huwe Mahol Main
Baarish Ki Pehli Boond Ne Hi Halchal Macha Di Thi
Pahar Ke Daaman Se Lekar Door Aftaab Ke Rukh e Munawar Tak
Dodhia Badlon Ki Chadar Tann Gayee Thi
Thitharti Huwi Khunak January Mazeed Sard Ho Gayee Thi
Heetron Se Naram Garam Kamron Main Athkelian Karty Tarasheeda Badan Balkonion Se Jhankty Nayee Tafreeh Ka Gumaan Kar Rahy Thy
Ehd e Nau Ki Tajallion Ki Shahkaar Barqi Garion Main Bhar Rahy Thy
Reengti Huwi Ik Nayee Qataar Masharqi Pahari Ki Bhoori Sarak Par Ubhar Rahi Thi
Dar ul Khilafa Ke Daaman Main Ghair Mulki Restauranon Par Ik Jamm e Ghafeer Tha ——— Mazeed Phail Raha Tha
Naram Garam Ubalti Huwi Kaafi Ki Chuskion Par Har Ehd Ka Samaaj ——— Daanish Ke Sikkon Par Uchhal Raha Tha
Aisy Mausmon Main Kaafi Ka Sakoon Niraala Hota Hai
Bhala January Main Baarishain Na Hon To January Kis Kaam Ki
Meri Basti Ke Har Ghar Ki Chhat Tapak Rahi Hai
Baarish Ke Saath Saath Yahan Bhook Bhi Baras Rahi Hai
Khunak Sard Weraan Choolhon Ko Aag Taras Rahi Hai
Aik Hi Pateeli Hai Aksar Daalanon Main
Aur Woh Bhi Baarish Ke Iss Mausam Main Oondhi Pari Hai
Bhook Se Bilakty Bachon Ko Ehsaas Hi Nahi Hai Ke…
January Jab Bheeg Jaye To
January Rangeen Ho Jaati Hai!!!
Badan Par Jab Phuwaar Par Jaye To
Rooh Namkeen Ho Jaati Hai!!!
_____________________________
Malik Kashif Awan
7th January 2022